ბიომრავალფეროვნების რუკა
ბიომრავალფეროვნების რუკა – (biodiversity map), გამოსახავს ხმელეთისა და წყლის ცოცხალი ორგანიზმების მრავალფეროვნებას, მათ ეკოლოგიურ მდგომარეობას და ბიომრავალფეროვნების შესანარჩუნებელ ღონისძიებებს. ვლინდება: გენეტიკურ, სახეობების, ეკოსისტემების და ლანდშაფტურ მრავალფეროვნებაში. ბიომრავალფეროვნების პირველი შეფასებები ჩატარდა XVIII-XIX საუკუნეებში, როდესაც შედგა დედამიწის ბოტანიკურ-გეოგრაფიული და ზოოგრაფიული დარაიონების პირველი სქემები. ბიომრავალფეროვნების ერთ-ერთი მთავარი მაჩვენებელია ენდემური სახეობების წილი მცენარეებისა და ცხოველების საერთო რაოდენობაში. ენდემიზმის მაჩვენებლით (8%) საქართველო 56-ე ადგილზეა მსოფლიოში (2000) 2010 წელი იყო დედამიწაზე ბიომრავალფეროვნების შენარჩუნების წელი. ბევრ ქვეყანაში ბიომრავალფეროვნება გარემოსდაცვითი პოლიტიკის საფუძველია. 1994 წელს საქართველო შეუერთდა კონვენციას ბიომრავალფეროვნების შესახებ.
