ბოლერო

ბოლერო. ხოსე კამარონ ბორონა

ბოლერო - (ესპ. bolero) ესპანური ხალხური ცეკვა. ტემპი – ზომიერი, ზომა 3/4. შეიქმნა დაახლოებით 1780.

XIX ს-იდან სრულდება სცენაზე. ბოლერო შეიძლება იყოს სოლო ან წყვილთა ცეკვა. ბოლეროს დამახასიათებელი მუსიკალური ფიგურები ხაზგასმულია კასტანიეტების კაკუნით ან თითების ტკაცუნით. სრულდება გიტარის ხმოვანების, ზოგჯერ კი სიმღერის თანხლებით. XIX ს-ის დასაწყისიდან ცნობილია საბალეტო სცენაზე. ბოლეროს ფორმით დაწერილია მრავალი ინსტრუმენტული პიესა და ვოკალური ნაწარმოები. რაველს ეკუთვნის განთქმული „ბოლერო“ სიმფონიური ორკესტრისათვის (1929).

წყარო

მუსიკის ენციკლოპედიური ლექსიკონი