ბროწეული
ბროწეული - (Punica granatum L.); ოჯახი: ბროწეულისებრნი (Punicaea). 1-4 მ სიმაღლის ბუჩქია ან ხე. ტოტები ეკლიანია, ფოთლები წაგრძელებულ ყლორტებზე მოპირისპირედ არის განლაგებული, ხოლო დამოკლებულზე – ჯგუფებად ფოთლები მოგრძო-ელიფსურია ან უკულანცეტა, კიდემთლიანი ან დაკბილული. ყვავილები 2-5-წევრიან ჯგუფებს ქმნიან. შეფერილობით წითელია, დიდი ზომის. ყვ. V-VIII; ნაყ. IX. მცენარე გავრცელებულია მშრალ ფერდობებზე. კახეთში მისი ნახვა შესაძლებელია ქალაქ სიღნაღის მიდამოებში. გავრცელებულია თითქმის მთელ საქართველოში.
ბროწეული – ბიბლიური მცენარე
ბროწეული, ებრაულად „რიმონ მაცუი“, წმინდა მიწაზე ერთ-ერთი მასიურად გავრცელებული მცენარეა; იშვიათი სილამაზის ყვავილით და ნაყოფით. მისგან გამოწურულ წვენს როგორც ებრაელი, ასევე არაბი მოსახლეობა ფართოდ იყენებს დესერტის სახით სასმელად. მისგანვე ამზადებენ ხორცისა და თევზეულის სანელებლად უიშვიათეს საწებელს. ებრაელები ბროწეულისაგან უხსოვარი დროიდან ამზადებდნენ ბროწეულის ღვინოს, ხოლო იზრაელის სახელმწიფო საკმაოდ წარმატებით ეწევა მის ექსპორტს. ებრაულ ხალხურ პოეზიასა და სიმღერებში ბროწეული სილამაზისა და მშვენიერების მეტაფორულ სახეს წარმოადგენს.
„რისთვის ამოგვიყვანეთ ეგვიპტიდან ამ უბედურ არემარეში, სადაც არ არის თესლის ადგილი, არც ლეღვი, არც ყურძენი, არც ბროწეული და არც სასმელი წყალია?“ (რიცხვნი 20,5)
