გამამაგრებელი თერაპია
გამამაგრებელი (ჩანაცვლებითი) თერაპია - (maintenance therapy), ფსიქოაქტიურ ნივთიერებაზე დამოკიდებულების მკურნალობის მეთოდი, რომელიც გულისხმობს დამოკიდებულების გამომწვევი ნივთიერების ნაცვლად ისეთი ნივთიერების დანიშვნას, რომელიც იწვევს ჯვარედინ დამოკიდებულებას ან ჯვარედინ ტოლერანტობას. ტერმინი ზოგჯერ გულისხმობს დამოკიდებულების გამომწვევი ნივთიერების დანიშვნას მისი უფრო დამზოგველი ფორმით.
ჩანაცვლებითი თერაპიის მიზანს წარმოადგენს კონკრეტული (ძირითადად არალეგალური) ფსიქოაქტიური ნივთიერების მოხმარების შემცირება ან შეწყვეტა, ან იმ ზიანის შემცირება, რომელიც დაკავშირებულია კონკრეტული ნივთიერების მიღების ფორმასთან (შეყვანასთან). მაგ., საერთო შპრიცის გამოყენებასთან ან სოციალური ზიანის შემცირებასთან. გამამაგრებელ თერაპიას ხშირად ატარებენ ფსიქოლოგიურ ან სხვა სახის მკურნალობასთან ერთად.
გამამაგრებელი (ჩანაცვლებითი) თერაპიის მაგალითებია: ჰეროინის დამოკიდებულების მკურნალობა მეტადონით, ნიკოტინის საღეჭი რეზინის გამოყენება თამბაქოს წევის წინააღმდეგ.
ჩანაცვლებითი თერაპიის ხანგრძლივობა შეიძლება იყოს რამდენიმე კვირიდან 20 და მეტ წლამდე. მას ხშირად განასხვავებენ მკურნალობისაგან დოზების თანდათანობითი შემცირებით მის სრულ შეწყვეტამდე (დეტოქსიკაცია).
