განვითარებული ქვეყნები
განვითარებული ქვეყნები - (developed countries) - მსოფლიოს მაღალშემოსავლიანი სახელმწიფოები, რომლებმაც (ისტორიულად ან განვითარების დღევანდელ ეტაპზე) მიაღწიეს ინდუსტრიული განვითარებისა და მოსახლეობის ცხოვრების მაღალ დონეს, როგორიც შესაძლებელია არსებული სიმდიდრისა და ტექნოლოგიების პირობებში. სხვადასხვა ორგანიზაცია სხვადასხვა ქვეყანას მიიჩნევს განვითარებულად. მაგრამ არსებობს 22 ქვეყანა, რომლებიც ნებისმიერ კლასიფიკასიაში ხვდებიან. ეს ქვეყნებია: აშშ, იაპონია, საფრანგეთი, გერმანია, გაერთიანებული სამეფო, შვედეთი, ავსტრია, ბელგია, დანია, ფინეთი, ისლანდია, ირლანდია, იტალია, ლუქსემბურგი, ნიდერლანდი, ნორვეგია, პორტუგალია, ესპანეთი, შვეიცარია, კანადა, ავსტრალია, ახალი ზელანდია. განვითარებული ქვეყნების უპირატესობა დანარჩენ მსოფლიოსთან ისაა, რომ ამ ქვეყნებში გატარებული საბაზრო რეფორმების საფუძველზე მეტ-ნაკლები წარმატებულობით ფუნქციონირებს სოციალურად ორიენტირებული საბაზრო ეკონომიკური სისტემა, რომელმაც აშკარა უპირატესობა და მაღალი ეფექტიანობა დაამტკიცა როგორც წმინდა კაპიტალისტურ, ისე კვაზისოციალისტურ ეკონომიკურ სისტემებთან შედარებით.
