გველესიანი ალექსანდრე (პოეტი)
NPLG Wiki Dictionaries გვერდიდან
გველესიანი ალექსანდრე (საშა) – (1968), პოეტი, მსახიობი, რეჟისორი, პედაგოგი. დაამთავრა საქართველოს ტექნიკური უნივერსიტეტი; სხვადასხვა დროს მუშაობდა მსახიობად, მეტყველების პედაგოგად, ზესტაფონის კულტურის ცენტრის ახალგაზრდული და თოჯინების თეატრების რეჟისორად. არის სამი პოეტური კრებულის ავტორი.
- * * *
- მოვიდეს ვინმე, თუნდაც (რავი...)
- ვინმე სულ უცხო,
- მაგრამ ჩემსავით დაღლილი
- და ჩემსავით ერთი,
- ოთახში ენთოს ძველი ლამპა
- და კედელს ეცხოს
- ორიოდ ჩრდილი, გარეთ ღამემ
- გაბედოს ღვენთი.
- გავიცინებდით, რომ ზამთარი
- მშვიდად დალღვება
- და რომ გაუძლებს მარტოობა
- მძიმე არტახებს,
- ნახოს, უშენო, დასკდომამდე
- ლურჯმა ძარღვებმა
- როგორ გამთოკეს და უწყალოდ
- გამამათრახეს.
- მოვიდეს წვიმა და სარკმელიც
- მძიმედ დაცვაროს,
- თუნდ – ის ზამთარი, ჭიშკართან
- რომ ზვავი მოჰქონდა,
- თუნდაც მეჩხუბოს, გალეშილი,
- გონგადამწვარი,
- ოღონდაც ვინმე,
- ოღონდ იყოს ვინმე,
- ოღონდაც...;
