გოდარი ჟან-ლუკ
ჟან-ლუკ გოდარი – (დაიბადა 1930 წელს პარიზში, საფრანგეთი) — ფრანკო-შვეიცარიელი კინორეჟისორი, მსახიობი, სცენარისტი და კინოპროდუსერი. ის კინემატოგრაფში ფრანგული ახალი ტალღის სათავეებთან იდგა. 1960-იან წლებში მის მიერ გადაღებულმა ფილმებმა რევოლუციური გავლენა მოახდინა მსოფლიო კინემატოგრაფზე.
1960 წელს გოდარმა გადაიღო პირველი სრულმეტრაჟიანი ფილმი „უკანასკნელ ამოსუნთქვაზე“, რომელმაც „ახალი ტალღის“ დაბადება ამცნო მსოფლიო კინემატოგრაფს. 60-იან წლებში მისი ფილმები საზოგადოების მიერ განცდილ რთულ სოციალურ-ფსიქოლოგიურ პრობლემებს იკვლევს.გოდარი აქტიურად მონაწილეობს 1968 წლის მაისის მოვლენებში. არის „მემარცხენე მოძრაობის“ ერთ-ერთი იდეური ლიდერი, იღებს რამდენიმე პროპაგანდისტულ ფილმს. მოგვიანებით გოდარი უბრუნდება „დიდ კინოს“ და ქმნის რამდენიმე მნიშვნელოვან ფილმს.
ფილმოგრაფია:
- 1959 — „უკანასკნელ ამოსუნთქვაზე“
- 1961 — „ქალი ქალია“
- 1962 — „ცხოვრობდე საკუთარი ცხოვრებით“
- 1965 — „ალფავილი“
- 1965 — „შეშლილი პიერო“
- 1967 — „უიქ-ენდი“
- 1982 — „ვნება“
- 1983 — „სახელი: კარმენი“
- 1990 — „ახალი ტალღა“
- 1996 — „მოცარტი - მარად“
- 2010 — „სოციალიზმი“
- 2013 — „3x3D“
- 2013 — „სიტყვებო, ნახვამდის!“
და სხვა.
ჯილდოები:
- 1965 — „ალფავილი“ („ოქროს დათვი“ ბერლინის კინოფესტივალი)
- 1983 — „სახელი: კარმენი“ („წმ. მარკოზის ოქროს ლომი“ ვენეციის კინოფესტივალი)
