დალანგი
NPLG Wiki Dictionaries გვერდიდან
დალანგი – (მალაიზ. dalang), ინდონეზიური თეატრის მოღვაწე. დალანგი ერთდროულად არის თოჯინებისა და ჩრდილების ხალხური თეატრის მფლობელიც და მთავარი შემსრულებელიც, ნიღბების თეატრის წარმოდგენების დამდგმელიც. წარმოდგენის დროს დალანგი, რომელსაც მაყურებელი ვერ ხედავს, კითხულობს და მღერის პიესის მთელ ტექსტს. დალანგის პროფესია თეატრალურ რეკვიზიტებთან და მუსიკალურ საკრავებთან ერთად მემკვიდრეობით გადაეცემა თაობიდან თაობას.