დაუზუსტებელი კვებითი აშლილობები
დაუზუსტებელი კვებითი აშლილობები, (ატიპიური კვებითი აშლილობები) - DSM-IV-ისა და ICD-ის მიხედვით, დაუზუსტებელი კვებითი აშლილობები მწვავე კლინიკური მიმდინარეობის დაავადებებია, რომლებიც არ აკმაყოფილებენ ნერვული ანორექსიისა და ნერვული ბულიმიის დიაგნოსტიკურ კრიტერიუმებს. როგორც ზემოთ იყო აღნიშნული, ეს დაავადებები საკმაოდ ხშირია და მისი დიაგნოზი დაისმის ამ ჩივილით მომართული პირების, სულ ცოტა, ერთ მესამედს.
ატიპიური კვებითი აშლილობების მიმდინარეობაზე ცოტა რამაა ცნობილი, თუმცა, შეგვიძლია ვივარაუდოთ, რომ ისინი ნერვული ანორექსიისა და ნერვული ბულიმიის შემთხვევათა დაახლოებით ნახევარში გვხვდება. ატიპიური კვებითი აშლილობების მკურნალობას არასაკმარისი ყურადღება ექცევა. კლინიცისტებს რეკომენდებული აქვთ, მიჰყვნენ ნერვული ანორექსიის მკურნალობის სქემას დაბალი წონის პაციენტებთან და ნერვული ბულიმიის მკურნალობის სქემას, უპირატესად, უკონტროლო კვებასთან დაკავშირებული პრობლემების დროს (Fairburn and Harrison, 2003).
