დედუქცია
NPLG Wiki Dictionaries გვერდიდან
დედუქცია (ლათ. deductio − გამოყვანა) – მსჯელობისა (დასკვნის) და მეცნიერული კვლევის ერთ-ერთი მეთოდი. წინაპირობებიდან ან კვლევის პროცესში შემუშავებული ჰიპოთეზებიდან ისეთი დასკვნების გამოყვანა, რომლებიც ამ პირობებიდან აუცილებლობით გამომდინარეობენ და პირობებშივე არიან ნაგულისხმევი. დედუქცია არის მსჯელობის ხერხი – ზოგადი დებულებიდან კერძო დასკვნის გამოყვანა.
ტერმინი „დედუქცია“ შემოიღო ბოეთიუსმა, თუმცა ეს ცნება გარკვეული აზრით პირველად არისტოტელემ ჩამოაყალიბა.
