დიეს ირე
NPLG Wiki Dictionaries გვერდიდან
დიეს ირე - (ლათ. Dies irae „რისხვის დღე“), შუასაუკუნეების მელოდია (სეკვენცია). ტექსტის ავტორობა მიეწერება ტომაზო ჩელანოელს (გარდ. 1250). დიეს ირე შედის რეკვიემის შემადგენლობაში იტალიაში (მე-14 ს-იდან) და საფრანგეთში (მე-15 ს-იდან).
XIX-XX საუკუნეების მუსიკაში დიეს ირე ხშირად გვხვდება არალიტურგიკულ ნაწარმოებში და როგორც წესი, ასახიერებს ბედისწერას, სიკვდილს ან ჯოჯოხეთურ ძალას. ასეთი დანიშნულებით დიეს ირეის მოტივი პირველად გამოიყენა ჰ. ბერლიოზმა „ფანტასტიკურ სიმფონიაში“ (1830). შემდგომ არაერთგზის აქვთ გამოყენებული ფ. ლისტს, სენ-სანსს, პ. ჩაიკოვსკის, ს. რახმანინოვს (რამდენიმე ნაწარმოებში) და სხვ.
