ენდოლარინგეალური ტრავმები

ენდოლარინგეალური ტრავმები — ასეთი ტრავმები, ქიმიური და თერმული დამწვრობები რომ არ ჩავთვალოთ, ინტუბაციის შედეგად ვითარდება. ზოგჯერ, ხანმოკლე ინტუბაციაც იწვევს ხორხის ლორწოვანი გარსის ახალწარმონაქმნს: პოლიპს, გრანულომას.

სასწრაფო ინტუბაციის დროს, როდესაც ეს მანიპულაცია ექსტრემალურ პირობებში ხორციელდება, დაზიანებები შესაძლოა უფრო სერიოზული იყოს:

— სტენოზი;

— ციცხვისებრი ხრტილების ანკილოზი (სახსრის ამოვარდნის გამო);

— ხორხის პარეზი;

ხორხის ქსოვილი საკმაოდ ნაზი გახლავთ და ამიტომ ინტუბაციის დროს სასურველია:

— ხორხის კარგი ექსპოზიცია – ვიზუალიზაცია;

— ხორხის ზომის მიხედვით სწორად ადაპტირებული საინტუბაციო მილის შერჩევა;

— სიფრთხილე ინტუბაციის დროს;

— რეინტუბაციის თავიდან აცილება;

NOTA BENE პოსტინტუბაციური დისფონიის დროს, საჭიროა ლარინგოსკოპია; პოსტინტუბაციური დისპნოეს დროს (თუნდაც მოგვიანებით განვითარდეს), აუცილებელია პაციენტის სასწრაფო ლარინგოსკოპია და მდგომარეობის შეფასება, რადგანაც შეიძლება უეცრად სუნთქვის მწვავე უკმარისობა განვითარდეს; ხორხის მიდამოს პათოლოგიის აღმოჩენის დროს, არ უნდა შევწყვიტოთ ტრაქეის დათვალიერება, რადგანაც ხორხის და ტრაქეის დაზიანება ხშირად ერთდროულად ვითარდება;

წყარო

ოტო-რინო-ლარინგოლოგია და თავ-კისრის პათოლოგიები