ენსინა ხუან დელ
NPLG Wiki Dictionaries გვერდიდან
ხუან დელ ენსინა – (ესპ. Juan del Encina, 1469-1530), ესპანელი პოეტი და დრამატურგი. ეკლოგებად წოდებულ ადრეულ პიესებში ძირითადია ბიბლიური სიუჟეტები. 1502 წლიდან მოყოლებული იგი წერს სასიყვარულო პასტორალებს: „ეკლოგა ქრისტინოსა და ფებეეზე“, „ფილენო, სამბარდო და კარდონიო“, „პლასიდა და ვიტორიანო“. მისმა დრამატურგიამ სათავე დაუდო ესპანეთის რენესანსულ თეატრს.
