ერედ რიში

ერედ რიშ-ი (რუთ. Эред рыш – „ერის ქალიშვილი“) – კერისა და ოჯახის კეთილდღეობის მფარველი დაღესტნურ (რუთულურ) მითოლოგიაში. ხალხის რწმენით, ერის („ჲარი|| ერ-ი“) სახელობის დღესასწაულის ღამეს ზეციდან მიწაზე ეშვებოდა მისი ქალიშვილი, სტუმრობდა და შრომისკენ მოუწოდებდა ყველა მოსახლეს, რათა ოჯახი დოვლათით სავსე ჰქონოდათ. გაზაფხულის დღეღამსწორების ღამეს ქალღვთაებას, ე. წ. „ერედ რიშს“ უმღეროდნენ.

ლიტერატურა

Рамазанов Р. А. Мифические персонажи и их названия у рутульцев // Вестник Дагестанского научного центра. 2004, №17.

წყარო

კავკასიის ხალხთა მითები და რიტუალები