ვართანოვი ოჰანეს
ოჰანეს მისაკის ძე ვართანოვი – (23.01.1923-22.09.2019), სომეხი ინჟინერ-გენერალ-ლეიტენანტი (1984).
დაიბადა ტფილისში. 1941 წელს დაამთავრა ბუინაქსკის ქვეითი სასწავლებელი და 1955 წელს სამხედრო-სატრანსპორტო აკადემია. საბჭოთა ჯარში მსახურობდა 1939 წლიდან. მონაწილეობდა საბჭოთა კავშირის (1941-1945) წლების დიდ სამამულო ომში. ომი დაამთავრა მე-2 უკრაინის ფრონტის, 141-ე მსროლელი დივიზიის, საავტომობილო სამსახურის უფროსად.
1980-1984 წლებში მსახურობდა ავღანეთის დემოკრატიულ რესპუბლიკაში (საბჭოთა ჯარების შეზღუდულ სამხედრო კონტინგენტში), თავდაცვის სამინისტროს ოპერატიული ჯგუფის შემადგენლობაში. დაკავებული იყო, როგორც მე-40 არმიის, ისე ავღანეთის არმიის საავტომობილო ტექნიკის რემონტის ორგანიზაციის საკითხებით.
1984-1986 წლებში მსახურობდა თავდაცვის სამინისტროს მთავარი საავტომობილო სამმართველოს უფროსის მოადგილედ – მთავარი ტექნიკური სამმართველოს მთავარ ინჟინრად.
1986 წლის სექტემბერში გავიდა თადარიგში. საბრძოლო დამსახურებისათვის დაჯილდოებული იყო 2 წითელი ვარსკვლავის, სამამულო ომის I ხარ.(1985), შრომის წითელი დროშის, 2 საპატიო ნიშნის, საპატიო ორდენით (რუსეთის ფედერაცია), ბულგარეთის ორდენით 9 სექტემბერი (მახვილებით).
