ვარძია (სოფელი)

ვარძია – სოფელი საქართველოში, ასპინძის მუნიციპალიტეტში, დაბა ასპინძიდან სამხრეთით 30 კმ მანძილზე, ერუშეთის ქედის ფერდობზე, ზღვის დონიდან 1100 მ სიმაღლეზე.

კლიმატი საშუალო მთის ტიპისაა. ზამთარი რბილი (იანვრის საშუალო ტემპერატურა -2.8⁰C) და მცირეთოვლიანი, ზაფხული – თბილი (აგვისტოს საშუალო ტემპერატურა – +19⁰C) და ზომიერად მშრალი. ატმოსფერული ნალექების წლიური რაოდენობაა 500 მმ. ძირითადი სამკურნალო ფაქტორია თერმული მინერალური წყარო.

სოფლის სიახლოვეს მდებარეობს კლდეში ნაკვეთი სამონასტრო ანსამბლი ვარძია, ხოლო მის სამხრეთ-დასავლეთით ქართული ხუროთმოძღვრების ძეგლი ზედა ვარძია.