ზაფხულის ოლიმპიურ საერთაშორისო ფედერაციათა ასოციაცია
ზაფხულის ოლიმპიურ საერთაშორისო ფედერაციათა ასოციაცია (ASOIF) - ზაფხულის ოლიმპიური თამაშების საშეჯიბრო სახეობების საერთაშორისო სპორტულ ფედერაციათა არაკომერციული გაერთიანებაა. მისი შტაბ-ბინა მდებარეობს ლოზანაში.
ASOIF-ი დაფუძნდა 1983 წლის 30 მაისს და თავდაპირველად გააერთიანა სპორტის იმ 21 სახეობის საერთაშორისო ფედერაცია, რომელიც იმ დროს 1984 წლის ლოს ანჯელესის ოლიმპიური თამაშების პროგრამაში შედიოდა. 2019 წლისთვის ASOIF-ის წევრთა რაოდენობა 28-მდე გაიზარდა. ამასთან, ASOIF-ის წესდება ითვალისწინებს ასოცირებული წევრის სტატუსით სპორტის იმ საერთაშორისო ფედერაციის მიღებას, რომელიც დროებით წარმოდგენილი იქნება რომელიმე ოლიმპიური თამაშების პროგრამში. ASOIF-ის მისიაა წარმოადგენდეს ზაფხულის ოლიმპიურ საერთაშორისო ფედერაციებს, დაიცვას მათი ინტერესები, კოორდინაცია გაუწიოს საერთაშორისო ოლიმპიურ კომიტეტთან (IOC) და სხვა ორგანიზაციებთან თანამშრომლობას, ხელი შეუწყოს მათ წინაშე მდგარი ამოცანების შესრულებას. ამასთან, ASOIF-ი იცავს წევრი ფედერაციების დამოუკიდებლობასა და ავტონომიას. ასოციაციას მართავს აღმასრულებელი საბჭო, რომელიც შედგება რვა დამოუკიდებელი წევრისგან. ისინი თავის მხრივ, ძირითადად, არიან ზაფხულის ოლიმპიურ სახეობათა საერთაშორისო ფედერაციების პრეზიდენტები.
ზაფხულის ოლიმპიურ საერთაშორისო ფედერაციათა ასოციაციის (ASOIF) წევრები
- საწყლოსნო სახეობების საერთაშორისო ფედერაცია (FINA)
- მშვილდოსნობის მსოფლიო ფედერაცია (WAF)
- მძლეოსნობის ფედერაციათა საერთაშორისო ასოციაცია (IAAF)
- ბადმინტონის მსოფლიო ფედერაცია (BWF)
- ბეისბოლისა და სოფტბოლის მსოფლიო კონფედერაცია (WBSC)
- კალათბურთის საერთაშორისო ფედერაცია (FIBA)
- კარატეს მსოფლიო ფედერაცია (WKF)
- კრივის საერთაშორისო ასოციაცია (AIBA)
- კანოეს საერთაშორისო ფედერაცია (ICF)
- ველოსპორტის საერთაშორისო კავშირი (UCI)
- ცხენოსნობის საერთაშორისო ფედერაცია (FE)
- ფარიკაობის საერთაშორისო ფედერაცია (FIE)
- ფეხბურთის ასოციაციათა საერთაშორისო ფედერაცია (FIFA)
- გოლფის საერთაშორისო ფედერაცია (IGF)
- ტანვარჯიშის საერთაშორისო ფედერაცია (FIG)
- ხელბურთის საერთაშორისო ფედერაცია (IHF)
- ჰოკეის საერთაშორისო ფედერაცია (FIH)
- ძიუდოს საერთაშორისო ფედერაცია (IJF)
- სპორტული ცოცვის საერთაშორისო ფედერაცია (IFSC)
- თანამედროვე ხუთჭიდის საერთაშორისო კავშირი (UIPM)
- ნიჩბოსნობის საერთაშორისო ფედერაცია (FISA)
- მსოფლიო რაგბი (WR)
- მსოფლიო აფროსნობა (WS)
- სასროლო სპორტის საერთაშორისო ფედერაცია (ISSF)
- მაგიდის ჩოგბურთის საერთაშორისო ფედერაცია (ITTF)
- მსოფლიო ტაეკვონდო (WT)
- სერფინგის საერთაშორისო ასოციაცია (ISA)
- ჩოგბურთის საერთაშორისო ფედერაცია (ITF)
- ტრიათლონის საერთაშორისო კავშირი (ITU)
- ფრენბურთის საერთაშორისო ფედერაცია (FIVB)
- ძალოსნობის საერთაშორისო ფედერაცია (IWF)
- ჭიდაობის მსოფლიო გაერთიანება (UWW)
- მსოფლიო სკეიტი (WS)