თოერისი
NPLG Wiki Dictionaries გვერდიდან
თოერისი – დაბალი რანგის ეგვიპტური ღვთება. იყო ხალხური რელიგიის ქალღმერთი, რომელსაც ძუ ბეჰემოტის სახით ეთაყვანებოდნენ. ითვლებოდა ქალის ნაყოფიერების მფარველად, მფარველობდა ქალს მშობიარობისას. უნდა აღინიშნოს, რომ მის სახელთან დაკავშირებული იყო ისეთი სიტყვები, როგორიცაა „ფეხმძიმედ ყოფნა“, „აღზრდა“ და „ძიძა“. თებეში ეძახდნენ ოპეტს, დაკავშირებული იყო ისიდასთან და ხორის ძიძად ითვლებოდა. აქ მას პატარა ტაძარიც ჰქონდა კარნაკში, ხონსუს ტაძრის გვერდით, რომელსაც XX-XXI დინასტიების დროს რეკონსტრუქცია ჩაუტარდა.
