კადრირება
NPLG Wiki Dictionaries გვერდიდან
კადრირება – გამოსახულების ზღვარის დადგენა, რაკურსისა და პლანის შერჩევა ფილმის კადრისათვის საინტერესო (საუკეთესო) გამომსახველობითი ფორმის შექმნის მიზნით. კადრირების მეშვეობით ოპერატორი მაყურებლის ყურადღებას ამახვილებს იმ დეტალებსა და საგნებზე, რომლებსაც არსებითი მნიშვნელობა აქვთ მოქმედებით-განვითარების მოცემულ ეტაპზე. ამასთან დაკავშირებით კადრირების პროცესში აუცილებლად ითვალისწინებენ წინა და მომდევნო კადრებს, გამომდინარე ფილმის (ეპიზოდის) კინემატოგრაფიული (მონტაჟური) კომპოზიციიდან.
