კატხაკალი
NPLG Wiki Dictionaries გვერდიდან
კატხაკალი, კატაკხალი – (მალაიალამ. കഥകളി), ინდური მუსიკალურ ქორეოგრაფიული თეატრის ერთ-ერთი სახე. წარმოიშვა XV-XVI საუკუნეში სამხრეთ დასავლეთ ინდოეთში. წარმოდგენა თამაშდება ღია ცის ქვეშ, მთვარიან ღამეში და გრძელდება გათენებამდე. ცეკვა-პანტომიმას თან ახლავს მომღერლის ვოკალური თხრობა. მომღერალი ფარდის უკანაა, მღერის საკრავებიანი ორკესტრის თანხლებით. XX საუკუნის შუა წლებში რეფორმების შედეგად კატხაკალი თანდათან ემსგავსება თანამედროვე სპექტაკლს.