კრამერი იოჰან ბატისტ

იოჰან ბატისტ კრამერი – (24 თებერვალი 1771, მანჰაიმი – 6 აპრილი 1858, ლონდონი), გერმანელი პიანისტი, პედაგოგი, კომპოზიტორი. მ. კლემენტის მოწაფე. კრამერი 13 წლიდან გამოდიოდა კონცერტებზე ევროპის ქვეყნებში. მან საყოველთაო აღიარება მოიპოვა როგორც ფორტეპიანოს პედაგოგმა. იგი ავტორია: 105 სონატისა, 7 კონცერტისა, კამერული ანსამბლებისა და სხვ. ფართოდაა გამოყენებული მისი პედაგოგიური „დიდი პრაქტიკული საფორტეპიანო სკოლა“, ეტიუდები და სავარჯიშოები.

წყარო

მუსიკის ენციკლოპედიური ლექსიკონი