ლაზარევი კონსტანტინე
კონსტანტინე არკადის ძე ლაზარევი – (20.03.1903-29.01.1979) გენერალ-მაიორი (1949).
დაიბადა ტფილისში. 1920 წელს შევიდა წითელ არმიაში. იბრძოდა ჩრდილო კავკასიაში (დაღესტანში). მსახურობდა სარკინიგზო ჯარებში -ოცმეთაურად, ასმეთაურად, სარკინიგზო სასწავლო პოლკის მეთაურის თანაშემწედ.
1926 წელს დაამთავრა ლენინგრადის კავშირგაბმულობის უმაღლესი სამხედრო სასწავლებელი, 1941 წელს ფრუნზეს სახ. სამხედრო აკადემია და 1950 წელს უმაღლესი აკადემიური კურსები.
(1941-1945) წლების სსრკ დიდი სამამულო ომის დროს, მსახურობდა იმიერბაიკალის ფრონტის, არმიის შტაბის უფროსად, შემდეგ საარტილერიო ბრიგადის მეთაურად. 1942 წლის თებერვლიდან, მეთაურობდა კურსანტთა ცალკეულ მსროლელ ბრიგადას, ხოლო 1943 წლის ივნისიდან 1945 წლის ნოემბრამდე მეთაურობდა მსროლელ დივიზიას. მონაწილეობდა საბრძოლო ოპერაციებში შორეულ აღმოსავლეთში.
1950 წელს დაამთავრა გენერალური შტაბის აკადემია.
1954-1956 წლებში მსახურობდა ნოვოსიბირსკის უმაღლეს სასწავლებლის უფროსად.
1956-1960 წლებში მსახურობდა სუორეველთა სამხედრო სასწავლებლის უფროსად.
1960 წელს გავიდა თადარიგში.
საბრძოლო დამსახურებისათვის დაჯილდოებული იყო ლენინის, 3 წითელი დროშის და 2 წითელი ვარსკვლავის ორდენებით.
