მალიპიერო ჯან ფრანჩესკო
NPLG Wiki Dictionaries გვერდიდან
ჯან ფრანჩესკო მალიპიერო –(18 მარტი 1882, ვენეცია – 1 აგვისტო 1973, ტრევიზო), იტალიელი კომპოზიტორი, მუსიკისმცოდნე და მუსიკის კრიტიკოსი, პედაგოგი. თანამედროვე იტალიური მუსიკის ერთ-ერთი თვალსაჩინო წარმომადგენელი. მისი შემოქმედება იმპრესიონიზმისა და ნეოკლასიციზმის გავლენით ჩამოყალიბდა. ოპერები (უმთავრესად საკუთარ ლიბრეტოზე): „გოლდონის სამი კომედია“ (1926); „იულიუს კეისარი“ (1936), და „ანტონიუსი და კლეოპატრა“ (1938, შექსპირის მიხედვით); „დონ ჯოვანი“ (1965, პუშკინის მიხედვით). მალიპიერო ავტორია მონოგრაფიებისა კ. მონტევერდიზე, ა. ვივალდისა და ი. სტრავინსკიზე.
