მარეგულირებელი სახელმწიფო კომისია
მარეგულირებელი სახელმწიფო კომისია - (regulatory state commission), იქმნება იმ დარგებსა და სფეროებში, სადაც არსებობს მონოპოლიის განსაკუთრებული სახეობა - ბუნებრივი მონოპოლია. სადღეისოდ იგი ბუნებრივი მონოპოლიების სახელმწიფო რეგულირების ნაცადი ინსტიტუტია. მარეგულირებელი კომისიების სამშობლოა აშშ. შემდეგ მათ იწყეს გავრცელება სხვა ქვეყნებში, თუმცა, ბევრ ქვეყანაში (დიდ ბრიტანეთში, არგენტინაში, ნორვეგიაში, შვედეთში და ა.შ.) გვიან შეიქმნა. დღეს ასეთი კომისიები პოსტკომუნისტური ქვეყნების დიდ ნაწილშიც (უნგრეთი, პოლონეთი, მაკედონია, რუმინეთი, სლოვაკეთი, ჩეხეთი, რუსეთი, ბალტიისპირა ქვეყნები, ყაზახეთი და ა.შ.) არის შექმნილი. საქართველოში პირველი მარეგულირებელი კომისია შეიქმნა ენერგეტიკაში 1996 წელს ეკონომიკის სამინისტროსთან, ხოლო 1997 წლიდან იგი დღემდე დამოუკიდებლად ფუნქციონირებს. რომელიც ფუნქციონირებს. 1997 წელს შეიქმნა ტრანსპორტისა და ფასიანი ქაღალდების მარეგულირებელი ეროვნული კომისიები, რომლებიც გაუქმდა 2007 წელს. ამჟამად გარდა ენერგეტიკისა, ასეთი კომისია მოქმედებს კომუნიკაციების სფერში, რომელიც შეიქმნა 2000 წელს.
