მბრუნავი წრე (სცენის)
NPLG Wiki Dictionaries გვერდიდან
მბრუნავი წრე – სცენის მოედნის მოძრავი ნაწილი. მბრუნავი წრე საშუალებას იძლევა სწრაფად შეიცვალოს სურათები სცენაზე, შეიქმნას სცენური მოქმედების უწყვეტობის რეალური შეგრძნება. მბრუნავი წრის ტრიალს შეუძლია უშუალო გავლენა მოახდინოს სპექტაკლის ტემპისა და საერთო რიტმის მონაცვლეობაზე. მბრუნავი წრე, რომელიც თანამედროვე დრამატული თეატრის სცენის აუცილებელი კუთვნილებაა, ზოგჯერ ოპერისა და ბალეტის თეატრშიც, გამოიყენება ხოლმე ასაწყობი დანადგარის სახით.
