მელიქ-ფაშაევი ალექსანდრე

ალექსანდრე მელიქ-ფაშაევი – (10. X. 1905, თბილისი – 8. VI. 1964, მოსკოვი], დირიჟორი. სსრკ სახალხო არტისტი (1951). დაამთავრა ლენინგრადის კონსერვატორია (1930, ა. გაუკის მოწაფე), 1923-31 იყო თბილისის ოპერისა და ბალეტის თეატრის დირიჟორი,1931-იდან გარდაცვალებამდე სსრკ დიდი თეატრის დირიჟორი (1953-62 მთავარი დირიჟორი).

მელიქ-ფაშაევი თავისი დროის გამოჩენილი საოპერო დირიჟორია. მისი საუკეთესო დადგმებია: გლინკას „რუსლან და ლიუდმილა“, ჩაიკოვსკის „პიკის ქალი“ და „ქოშები“, ვერდის აიდა, პროკოფიევის „ომი და მშვიდობა“, ფალიაშვილის „აბესალომ და ეთერი“ (1939). დირიჟორობდა სიმფონიური მუსიკის მონუმენტურ ნაწარმოებებს. გასტროლებს მართავდა საზღვარგარეთ. სსრკ სახელმწიფო პრემიების ლაურეატი (1942, 1943).

წყარო

მუსიკის ენციკლოპედიური ლექსიკონი