მერსენის რიცხვები
NPLG Wiki Dictionaries გვერდიდან
მერსენის რიცხვები – Mn = 2n -1 სახის რიცხვები, სადაც n – ნატურალური რიცხვია.
მერსენის რიცხვები შეიძლება განვსაზღვროთ სხვანაირადაც, როგორც ნატურალური რიცხვები, რომლებიც თვლის ორობით სისტემაში ჩაიწერებიან მხოლოდ ერთიანებით (ნულის გარეშე).
მართლაც, მერსენის რიცხვებს Mn = 2n -1 ორობით სისტემაში ასეთი სახე აქვთ:
- Mn = 2n -1 = 2n-1 + 2n-2 +...+ 2 + 1 = 111...1 (n – ჯერ 1).
მერსენის რიცხვები შეიძლება განისაზღვროს, როგორც გეომეტრიული პროგრესიის პირველი n წევრის ჯამი, რომლის პირველი წევრია 1, ხოლო მნიშვნელი 2.
მერსენის რიცხვები ეწოდებათ ფრანგი მათემატიკოსის მ. მერსენის (1588-1648) პატივსაცემად.