მერქნის სიდამპლე
NPLG Wiki Dictionaries გვერდიდან
მერქნის სიდამპლე – მერქნის მანკი, ხის მრღვევი სოკოების ცხოველმოქმედების შედეგი. სოკოებით (ტყის, საწყობის, სახლის) დაზიანებული მერქანი ფერს იცვლის და ხდება მურა ან ყავისფერი, მცირდება მისი მექანიკური სიმტკიცე. პროცესს თან ახლავს მერქნის სკდომა და ბოლოს, მისი დაშლა. დამპალი მერქანი სამშენებლო საქმეში არ გამოიყენება.
