მეტაფიზიკური სკოლა
NPLG Wiki Dictionaries გვერდიდან
მეტაფიზიკური სკოლა – ბაროკოს მხატვრულ ნიშან-თვისებათა გამომხატველი მიმდინარეობა XVIII ს. I ნახ. ინგლისურ პოეზიაში. მისი ფუძემდებელია ჯონ დონი. პოეტიკის თვალსაზრისით ამ სკოლას ბევრი რამ საერთო აქვს ესპანურ გონგორიზმთან, იტალიურ მარინიზმთან, ფრანგულ პრეციოზულ ლიტერატურასთან. მათი პოეტიკისათვის დამახასიათებელია გვიანი რენესანსისა და ბაროკოს კულტურის უაღრესად ორიგინალური შერწყმა, ჰუმანისტური იდეალების კრიზისი და ამ კრიზისიდან თავის დაღწევის რელიგიურ-მისტიკური გზების ძიების პათოსი.
