მზიური (ანსამბლი)
NPLG Wiki Dictionaries გვერდიდან
მზიური − მოსწავლე ახალგაზრდობის რესპუბლიკურ სასახლესთან არსებული ბავშვთა ვოკალურ-საკრავიერი ანსამბლი. ჩამოყალიბდა 1971 (ხელმძღვანელი რ. კაზარიანი, გ. ჯაიანი). ანსამბლმა საყოველთაო აღიარება დაიმსახურა. ფართო საკონცერტო მოღვაწეობას ეწეოდა საქართველოში და საზღვარგარეთ. დადგმული აქვს მუსიკალური სპექტაკლები – „ბურატინო“ (მუსიკა ა. რიბნიკოვისა) და „სათაგური“ (კომპოზიტორი ვ. დურგლიშვილი), გამოცემული აქვს ფირფიტები, გადაღებულია ფილმი „მზიური“ (რეჟ. ზ. კაკაბაძე). ანსამბლში აღიზარდნენ შემდგომში ცნობილი მომღერლები: თ. გვერდწითელი, თ. ჭოხონელიძე, მ. ჯაბუა, მ. კახიანი და სხვ. დაიშალა 1981.
