მონოკრისტალი
მონოკრისტალი − (ბერძ. monos ერთი და krystallos ყინული), ცალკე გამოყოფილი, ერთგვაროვანი კრისტალი, რომელსაც აქვს უწყვეტი კრისტალური გისოსი და ზოგჯერ ახასიათებს ფიზიკური თვისებების ანიზოტროპია. მონოკრისტალი გარეგნულ ფორმას განაპირობებს მისი კრისტალური გისოსის ერთგვაროვნება და წარმოქმნის სიჩქარე. ნელი ტემპით წარმოქმნის დროს მონოკრისტალის ზედაპირი დანაწევრებულია (დაკუთხვილია), საშუალო სიჩქარის დროს – მცირედ დანაწევრებული, ხოლო დიდი სიჩქარეების დროს – წარმოიქმნება ერთგვაროვანი პოლიკრისტალები და პოლიკრისტალური აგრეგატები, რომლებიც შედგება მრავალრიცხოვანი სხვადასხვაგვარად ორიენტირებული მცირე ზომის მონოკრისტალებისაგან. დაკუთხვილი მონოკრისტალი თვალსაჩინო მაგალითია კვარცი, ქვის მარილი, ისლანდიური შპატი, ალმასი, ტოპაზი. მრეწველობაში დიდი გამოყენება აქვს ნახევარგამტარებისა და დიელექტრიკების მონოკრისტალებს, რომლებსაც იღებენ სპეციალურ პირობებში, ხოლო რაც შეეხება ლითონებისა და მათი შენადნობების მონოკრისტალს, მათ განსაკუთრებული თვისებები არ აქვთ და პრაქტიკულად არ გამოიყენება.
