მოსკოვის კონფერენცია 1922
მოსკოვის კონფერენცია 1922 (შეიარაღების შემცირების შესახებ), ჩატარდა 2-12.XII. მოიწვიეს საბჭოთა მთავრობის ინიციატივით, რომელმაც 12.VI.1922 მიმართა პოლონეთის, ლატვიის, ესტონეთისა და ფინეთის მთავრობებს წინადადებით), მოეწვიათ მოსკოვში კონფერენცია შეიარაღების შემცირების თაობაზე რსფსრ-ისა და ზემოაღნიშნული ქვეყნების მონაწილეობით. მოგვიანებით მოწვევა გაუგზავნეს რუმინეთს, რომელმაც თავისი მონაწილეობა კონფერენციაში დაუკავშირა მიუღებელ პირობას იმის თაობაზე, რომ საბჭოთა მთავრობას ეცნო რუმინეთის მიერ ბესარაბიის დაპყრობა. დანარჩენმა სახელმწიფოებმა მიიღეს საბჭოთა წინადადება. კონფერენციაზე საბჭოთა დელეგაციამ წარმოადგინა გეგმა. რომელიც ითვალისწინებდა სახმელეთო შეიარაღებული ძალების პროპორციულ შემცირებას 75%-ითს 1.5-2 წლის განმავლობაში, ასევე სამხედრო ხარჯების შემცირებას. მათ შორის წინასწარ შეთანხმებული პოზიციის შესაბამისად პოლონეთის, ლატვიის, ესტონეთისა და ფინეთის დელეგაციებმა მიმართეს ტაქტიკას, რომლის მიზანი იყო ყურადღების გადატანა მთავარი საკითხიდან – განიარაღების განხილვიდან როცა საბჭოთა დელეგაციამ ეს ტაქტიკა გამოააშკარავა, ზემოაღნიშნული ქვეყნები წავიდნენ კონფერენციის ჩაშლაზე.
