მსოფლიო ბანკი
NPLG Wiki Dictionaries გვერდიდან
მსოფლიო ბანკი - (World Bank), აერთიანებს გაეროს სისტემაში შემავალ საერთაშორისო ფინანსური ორგანიზაციის ხუთ ჯგუფს. ესენია: რეკონსტრუქციისა და განვითარების საერთაშორისო ბანკი (აერთიანებს 185 ქვეყანას), განვითარების საერთაშორისო ასოციაცია (აერთიანებს 166 ქვეყანას), საერთაშორისო ფინანსური კორპორაცია (აერთიანებს 179 ქვეყანას), მრავალმხრივი ინვესტირების გარანტიის სააგენტო (აერთიანებს 172 ქვეყანას) და საინვესტიციო დავების გადაჭრის საერთაშორისო ცენტრი (აერთიანებს 143 ქვეყანას). ამ ხუთ ჯგუფს ჰყავს საერთო ხელმძღვანელობა და აქვს საერთო მიზანი - განვითარებადი ქვეყნების ფინანსური დახმარება და ცხოვრების დონის ამაღლება. საქართველო ხუთივე ჯგუფის წევრია.
