მყოფადი

მყოფადი – საუღლებელი ერთეული (ა. შანიძე). მყოფადი ფორმობრივი თვალსაზრისით იდენტურია აწმყოს მწკრივის ფორმებისა; ზმნათა ერთი ნაწილი აწმყოს ფორმებისაგან ზმნისწინით განსხვავდება (წერს – და-წერს), თუმცა ზმნისწინიან და უზმნისწინო ფორმათა დაპირისპირებას არა აქვს სისტემური ხასიათი. ეს არის ძირითადი საფუძველი იმისა, რომ მყოფადი (და საერთოდ მყოფადის წრის მწკრივები) დამოუკიდებელ საუღლებელ ერთეულად არ გაიაზრება მკვლევართა ერთი ჯგუფის მიერ (გ. გოგოლაშვილი, ა. ონიანი …).

გ. გოგოლაშვილი

ლიტერატურა

• შანიძე ა. ქართული გრამატიკის საფუძელები, I. თბ., 1953;
• ჭუმბურიძე ზ. მყოფადი ქართველურ ენებში, თბ., 1986;
• გოგოლაშვილი გ. ქართული ზმნის უღელილების სისტემა, თბ., 1988;
• ონიანი ა. თანამედროგე ქართული სალიტერატურო ენა, თბ., 2003.

წყარო

ქართული ენა: ენციკლოპედია