ნაგლინის პროფილი
NPLG Wiki Dictionaries გვერდიდან
ნაგლინის პროფილი − ცივი და ცხელი გლინვით მიღებული სხვადასხვა ფორმისა და კვეთის ლითონის ნაკეთობა. საერთო დანიშნულების პროფილებია: მრგვალი, კვადრატული კვეთის, ზოლოვანი, კუთხოვანი ფოლადი, შველერი, ლენტი, მავთული და სხვ. სპეციალური დანიშნულებისა – რელსი, T-სებრი, ორტესებრი და ა.შ. ნაგლინის პროფილების გამოყენების ძირითადი სფეროა სამოქალაქო, სამრეწველო, ხიდების, შახტების, ანძების, კოშკებისა და მისთ. მშენებლობა ლითონისა და რკინაბეტონის კონსტრუქციებით.