ნედიტი

ნედიტი – ან „ნედიტის ნაპირი“ (ეგვ. ndj.t) იყო ადგილი ბუსირისის სიახლოვეს, სადაც, ეგვიპტელთა წარმოდგენით, ოსირისი დაიღუპა სეტხთან ბრძოლის შემდეგ და სადაც, როგორც ითვლებოდა, იმყოფებოდა მისი ერთ-ერთი სამარხი. ეგვიპტურ ენაზე „ndj“ ნიშნავს „დანარცხებას“, და სწორედ ამ ზმნასთან არის ის დაკავშირებული „პირამიდების ტექსტებში“, სადაც შესაძლოა „მოკვლის ადგილს“ ნიშნავს. ოსირისზე ვკითხულობთ: „შენმა დამ გიპოვა შენ მწოლიარე ნედიტის ნაპირზე“.

წყარო

ძველი ეგვიპტის ენციკლოპედია