ნია აბესაძე

ნია აბესაძე

ნია აბესაძე − (1929 − 1992), ქართველი პოეტი. 1953 წელს დაამთავრა თსუ, 1963 წლიდან — ფილოლოგიურ მეცნიერებათა კანდიდატი. გამოცემული აქვს ორი პოეტური კრებული. ლექსების ციკლი მიუძღვნა უკრაინას და ასევე თარგმნიდა უკრაინული პოეზიის ისეთ წარმომადგენლებს, როგორებიც არიან: ლესია უკრაინკა, მიკოლა ბაჟანი, პავლო ტიჩინა, ანდრეი მალიშკო. იკვლევდა უკრაინულ ლიტერატურას და მიუძღვნა მას რამდენიმე სამეცნიერო ნაშრომი.

ქართლის გზებზე

ასეთ გზას ხშირად შეხვდები ქართლში:

გაიწვდი ხელს და ცის კიდეს სწვდები,

უცებ გადაკვეთს ტრამალებს გაშლილს

ქარავანივით გაბმული მთები.

ფერდობზე მწუხრი ცერით ეშვება

და მთვარის შუქზე გაარჩევ ძნელად –

გაქვავებულან დევის ეშვები,

თუ ცას გაჰკვრია ტაძარი ძველი.

ურყევად დგანან მისი თაღები,

რომ იღაღადონ უხმოდ, – „არ ვკვდებით!..”

... და ჰგავს სამოთხის კარის გაღებას

ცით ავსებული ძველი სარკმელი.

წყარო

ქართველი პოეტები (ენციკლოპედია)