პასტა ჯუდიტა
NPLG Wiki Dictionaries გვერდიდან
ჯუდიტა პასტა – (28 ოქტომბერი 1797, სარონო, მილანის მახლობლად − 1 აპრილი 1865, ბლევიო, კომოს მახლობლად), იტალიელი მომღერალი (სოპრანო). სწავლობდა მილანის კონსერვატორიაში. გასტროლებს მართავდა ევროპულ ქვეყნებში (რუსეთში 1840-41). სახელი გაითქვა როსინის, ბელინის, დონიცეტის ოპერების გმირთა პარტიების შესრულებით. მისთვის დაიწერა ნორმას, ამინას (ბელინის „ნორმა“, „სომნამბულა“), ანა ბოლეინის (დონიცეტის „ანა ბოლეინი“) პარტიები.
