პეონი
NPLG Wiki Dictionaries გვერდიდან
პეონი – (ბერძ. paiēōn –ჰიმნი, ღმერთების საგალობელი), ოთხმარცვლიანი ტერფი ანტიკურ ლექსწყობაში, შედგენილია ერთი გრძელი და სამი მოკლე მარცვლისაგან, ხოლო სილაბურ-ტონურ ლექსწყობაში — ერთი მახვილიანი და სამი უმახვილო მარცვლისაგან.
გრძელი ან მახვილიანი მარცვლის ადგილმდებარეობის მიხედვით პეონის ოთხი სახეობა არსებობს:
პირველი პეონი – მახვილი თავკიდურ მარცვალზე მოუდის _ ‿ ‿ ‿ ;
მეორე პეონი – მახვილიანია მეორე მარცვალი ‿ _ ‿ ‿ ;
მესამე პეონი – მახვილი მესამე მარცვალზეა ‿ ‿ _ ‿ და
მეოთხე პეონი – მახვილი მეოთხე მარცვალს აქვს ‿ ‿ ‿ _
ცხადია, ასევე ლაგდება გრძელი მარცვლებიც.
ქართულ ლექსწყობაში გავრცელებულია მეორე პეონი. პირველი პეონი იშვიათად გვხვდება.
პირველის მაგალითი:
- მიეთოვოს, მოეთოვოს
- კედლებს ფარშავანგები.
- (გ. ტაბიძე).
