პირობითი აღნიშვნები
პირობითი აღნიშვნები – (conventional signs, cartographic symbols, map symbols), კარტოგრაფიული ნიშნები, გრაფიკული სიმბოლოები, გამოიყენება რუკებზე ობიექტების სივრცითი განლაგების ანუ ლოკალიზაციის, მათი ფორმის, ზომების, თვისებრივი (ხარისხობრივი) და რაოდენობრივი მაჩვენებლების, შინაგანი სტრუქტურის გამოსახვისათვის. განასხვავებენ:
წერტილში ლოკალიზებულ ნიშნებს – კონკრეტული ობიექტებისათვის (point symbols);
ხაზში ლოკალიზებულ ნიშნებს – ხაზობრივი ობიექტებისათვის (line symbols);
ფართობში ლოკალიზებულ ნიშნებს – ფართობული ობიექტებისათვის (area symbols).
პირობითი აღნიშვნები ტექსტურ განმარტებებთან ერთად ქმნიან რუკის ლეგენდას. ხშირად ლეგენდა აიგება რუკაზე გამოსახული ობიექტების ან მოვლენების კლასიფიკაციის საფუძველზე. კარტოგრაფიული ნიშნების სისტემა ქმნის რუკის ენას.
