პიროვნული ცვლილება მყარი ფსიქიკური დაავადების შემდგომი
პიროვნული ცვლილება, მყარი, ფსიქიკური დაავადების შემდგომი - (personality change, enduring, after psychiatric illness), დამახასიათებელი თავისებურებაა ზედმეტად სხვებზე დამოკიდებულება და მომთხოვნი მიდგომა სხვებისადმი. დარწმუნება, რომ დაავადებამ ის გარკვეულად შეცვალა ან დამღა დაასვა (სტიგმატიზაცია). იწვევს იმას, რომ პაციენტს არ შეუძლია დაამყაროს და შეინარჩუნოს ახლო, ნდობით შეფერადებული ურთიერთობები, რაც. თავის მხრივ, სოციალურ იზოლაციას იწვევს; პასიურობა, ინტერესთა წრის შემოსაზღვრა; ინტერესის დაკარგვა ჩვეული აქტივობების მიმართ, რომელიც ადრე სიამოვნებას ანიჭებდა; მუდმივი ჩივილები ავადმყოფურ მდგომარეობაზე, თანდართული იპოქონდრიული გამონათქვამებით და დაავადებისათვის დამახასიათებელი ქცევით; დისფორიული ან ლაბილური გუნებ-გაწყობა არ არის კავშირში თანმხლებ ფსიქიკურ დაავადებასთან ან ფსიქიკური დაავადების წინმსწრებ რეზიდუალურ აფექტურ სიმპტომებთან; მნიშვნელოვანი პრობლემები სოციალურ და პროფესიულ ფუნქციონირებაში. აღნიშნული დარღვევები ნარჩუნდება, სულ ცოტა, 2 წელი მაინც და არ შეიძლება აიხსნას ადრე არსებული პიროვნული აშლილობით, არ წარმოადგენს არც სხვა, ჯერ დაუსრულებელი, ფსიქიკური დაავადების სიმპტომს და არც ნებისმიერი წინმსწრები ფსიქიკური აშლილობის რეზიდუალურ სიმპტომს.
