პოლონეთ-ჩეხოსლოვაკიის შეთანხმებები და ხელშეკრულება 1925

NPLG Wiki Dictionaries გვერდიდან
გადასვლა: ნავიგაცია, ძიება

პოლონეთ-ჩეხოსლოვაკიის შეთანხმებები და ხელშეკრულება 1925 − ხელი მოაწერეს ვარშავაში 23.IV. მიზნად ისახავდა ორ სახელმწიფოს შორის სადავო საკითხების მოწესრიგებას იმ პირობებში, როცა გერმანია უარს ამბობდა, ეკისრა აღმოსავლეთ მეზობლებთან საზღვრების გარანტიის ვალდებულებები.

სარჩევი

შეთანხმება სამართლისა და ფინანსთა საკითხებზე

ძალაში შევიდა 1926 წლის მაისში. ითვალისწინებდა პოლონეთისა და ჩეხოსლოვაკიის სახელმწიფოების შექმნისთანავე წამოჭრილი ქონებრივი, ფინანსური დავისა და სამართლის საკითხების (მოქალაქეობის განსაზღვრის საკითხის ჩათვლით) მოწესრიგებას. შეთანხმება, რომელიც მიზნად ისახავდა არარეგულირებადი საკითხების ლიკვიდაციას, ცნობილია „ლიკვიდაციის“ ხელშეკრულების სახელით.

ხელშეკრულება შეთანხმებითი პროცედურისა და სამედიატორო განხილვის (არბიტრაჟის) შესახებ

ძალაში შევიდა 1926 წლის ნოემბერში. დაიდო 5 წლის ვადით და მისი გაგრძელება შეიძლებოდა ამდენივე ხნით. მხარეებმა იკისრეს ვალდებულება, მიეღწიათ შეთანხმებითი პროცედურისა ან არბიტრაჟისათვის იმ შემთხვევაში, თუ მათ შორის დიპლომატიური გზებით არარეგულირებადი საკითხები წამოიჭრებოდა. თუმცა ტერიტორიულ დავასთან დაკავშირებული საკითხების რეგულირება მოხდა მხოლოდ ქვეყნებს შორის შეთანხმების გზით.

შეთანხმება ვაჭრობის შესახებ

ძალაში შევიდა 1926 წლის ნოემბერში, იგი „ყველაზე ხელსაყრელ“ რეჟიმს ანიჭებდა ორივე ქვეყნის იმ მოქალაქეებსა და კომპანიებს, რომლებიც მეორე ქვეყნის ტერიტორიაზე სავაჭრო საქმიანობას ეწეოდნენ. ითვალისწინებდა მეორე ქვეყნის საქონლისათვის შეღავათიანი ბაჟებისა და რკინიგზის ტარიფების დაწესებას. მომავალში პირდაპირი სარკინიგზო, საფოსტო, სატელეგრაფო და სატელეფონო და ა.შ. კავშირებზე შეთანხმების დადებას.


წყარო

მოძიებულია „https://www.nplg.gov.ge/wikidict/index.php?title=%E1%83%9E%E1%83%9D%E1%83%9A%E1%83%9D%E1%83%9C%E1%83%94%E1%83%97-%E1%83%A9%E1%83%94%E1%83%AE%E1%83%9D%E1%83%A1%E1%83%9A%E1%83%9D%E1%83%95%E1%83%90%E1%83%99%E1%83%98%E1%83%98%E1%83%A1_%E1%83%A8%E1%83%94%E1%83%97%E1%83%90%E1%83%9C%E1%83%AE%E1%83%9B%E1%83%94%E1%83%91%E1%83%94%E1%83%91%E1%83%98_%E1%83%93%E1%83%90_%E1%83%AE%E1%83%94%E1%83%9A%E1%83%A8%E1%83%94%E1%83%99%E1%83%A0%E1%83%A3%E1%83%9A%E1%83%94%E1%83%91%E1%83%90_1925&oldid=235647“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები