პროცენტის ნომინალური განაკვეთი
NPLG Wiki Dictionaries გვერდიდან
პროცენტის ნომინალური განაკვეთი - (nominal interest), ფულის რაოდენობა, რომელიც გადახდილია სასესხო ფულადი ნიშნის ერთეულზე გარკვეულ პერიოდში (თვე, წელი); პროცენტის განაკვეთი, რომლის მიხედვითაც დაირიცხება აქტივების ნომინალური ღირებულების ნამატი სადეპოზიტო ანგარიშებსა და ფასიან ქაღალდებზე; პროცენტის რეალური განაკვეთისა და ინფლაციის ტემპის ჯამი. ფიშერის ეფექტის მიხედვით, პროცენტის ნომინალური განაკვეთის დინამიკა მთლიანად ემთხვევა ინფლაციის მოსალოდნელი ტემპის დინამიკას.