პურტალესი ფრიდრიხ
NPLG Wiki Dictionaries გვერდიდან
ფრიდრიხ პურტალესი – გრაფი, გერმანელი დიპლომატი.
დიპლომატიურ სამსახურში იყო 1870 წლის ბოლოდან, 1907-14 იყო გერმანიის ელჩი რუსეთის იმპერიაში. ცდილობდა, ხელი შეეშალა რუსეთის დაახლოებისათვის საფრანგეთთან და დიდ ბრიტანეთთან. 1914 წლის 19 ივლისს (ახალი სტილით 1 აგვისტოს) მან რუსეთის საგარეო საქმეთა მინისტრს ს. დ. საზონოვს გადასცა გერმანიის ოფიციალური ნოტა რუსეთისათვის ომის გამოცხადების შესახებ. 1914-18 მუშაობდა გერმანიის საგარეო საქმეთა სამინისტროში მრჩევლის თანამდებობაზე. 1918 წლის ივლისიდან სახელმწიფო სამსახურში აღარ უმუშავია.
