ჟვაკაჰალსი

ჟვაკაჰალსი: 1–გლაგოლ-ჰაკი; 2–ჯაჭვის მონაკვეთი; 3–ყუა

ჟვაკაჰალსი - (ჰოლ. zwakke hals < zvak – სუსტი და hals –კისერი) იალქნიან ფლოტში – გვარლის მოკლე 20–40 მმ-იანი მონაკვეთი, რომლის ერთ ბოლოს გროტ ანძას შემოახვევდნენ, ხოლო მეორე შეერთებული იყო ღუზის ბაგირთან. გამოიყენებოდა ღუზის დამატებით საჩერად. თანამედროვე გემებზე – ღუზის ჯაჭვის განსაკუთრებული მონაკვეთი, ერთი ბოლოთი მიმაგრებულია მტკიცე კონსტრუქციზე საჯაჭვე ყუთში, ხოლო მეორეთი ღუზის ჯაჭვის ძირეულ ბოლოზე. აქვს სწრაფად სახსნელი შეერთება გლაგოლჰაკის ან სტაციონარული დისტანციური მართვის მოწყობილობის სახით, რაც ღუზის ჯაჭვისგან (ღუზასთან ერთად) განთავისუფლების საშუალებას იძლევა.

წყარო

საზღვაო ლექსიკონი