რაკონიჯის შეთანხმება 1909
რაკონიჯის შეთანხმება 1909 – (საიდუმლო შეთანხმება, რუსეთისა და იტალიას შორის). გაფორმდა ნოტების გაცვლის გზით 11(24).X, რაკონიჯიში (ტურინის მახლობლად) ორი ქვეყნის საგარეო საქმეთა მინისტრებს შორის, იმპერატორ ნიკოლოზ II-ის იტალიაში ვიზიტის დროს.
ბოსნიისა და ჰერცეგოვინის ანექსიამ, რომელიც ავსტრია-უნგრეთმა განახორციელა 1908 წლის ოქტომბერში და ამით დაარღვია სამთა კავშირის შესახებ მე-4 ხელშეკრულება, იტალიის უკმაყოფილება გამოიწვია, რასაც შედეგად მოჰყვა იტალიისა და რუსეთის დაახლოება, ამას ხელი შეუწყო ასევე რუსეთ-ავსტრიის წინააღმდეგობათა გამწვავებამ ბალკანეთში. შეთანხმების მიხედვით, რუსეთმა და იტალიამ იკისრეს, შეენარჩუნებინათ სტატუს-კვო ბალკანეთში, ასევე „ეროვნულობის პრინციპი“ ბალკანეთის სახელმწიფოთა განვითარებაში; მხარეებმა იკისრეს, არ დაედოთ მესამე სახელმწიფოსთან შეთანხმება ბალკანეთის საკითხზე მეორე მხარის მონაწილეობის გარეშე. შეთანხმება მოასწავებდა იტალიის თანდათანობით დაცილებას სამთა კავშირიდან და მის ანტანტასთას დაახლოებას.
