საბჭოთა კავშირ-ჩეხოსლოვაკიის ხელშეკრულებები და შეთანხმებები
საბჭოთა კავშირ-ჩეხოსლოვაკიის ხელშეკრულებები და შეთანხმებები
სავაჭრო ეკონომიკური ხელშეკრულება
(დროებითი) დაიდო პრაღაში 1922 წლის 5.VI.
1935 ურთიერთდახმარების ხელშეკრულება
დაიდო 1935 წლის 6.V პრაღაში. ფაშიზმის საშიშროებამ და სსრკ-საფრანგეთის ინიციატივამ (ე.წ. „აღმოსავლეთის პაქტი“) განაპირობა ჩეხოსლოვაკიის დიპლომატიური გააქტიურება. თუმცა II მუხლში აღნიშნული იყო, რომ „აგრესიის შემთხვევაში მესამე სახელმწიფოსაგან დაზარალებულს სახელშეკრულებო პარტნიორი დაეხმარებოდა მხოლოდ იმ შემთხვევაში, თუ საფრანგეთი გაუწევდა დახმარებას, ამ პირობამ ხელი შეუწყო გერმანიას 1939 ჩეხოსლოვაკიის ანექსირებაში (1938 მიუნხენის გარიგება).
გერმანიის წინააღმდეგ ერთობლივი მოქმედების შეთანხმება
დაიდო 1941 წლის 18.VII ლონდონში. ითვალისწინებდა სსრკ-ის ტერიტორიაზე ჩეხოსლოვაკიური შენაერთის შექმნას.
1943 წლის I2.XI ხელშეკრულება მეგობრობის, ურთიერთდახმარების და ომის შემდგომი, თანამშრომლობის შესახებ
დაიდო მოსკოვში, 20 წლის ვადით. ითვალისწინებდა აგრესიის შემთხვევაში ურთიერთდახმარებას, ეკონომიკურ თანამშრომლობას, საშინაო საქმეებში ჩაურევლობას. მას თან ერთოდა პროტოკოლი, რომელიც ორივე მხარის მოსაზღვრე ქვეყანას ხელშეკრულებასთან შეერთების უფლებას აძლევდა, ხელშეკრულება გაგრძელდა 1961-მდე 20 წლით.
1944 წლის 8.V. შეთანხმება
საბჭოთა ჯარების ჩეხოსლოვაკიაში შესვლისას ადგილობრივ ადმინისტრაციასთან ურთიერთობის დარეგულირების თაობაზე.
1970 მეგობრობის, თანამშრომლობის და ურთიერთდახმარების ხელშეკრულება
დაიდო 1970 წლის 6.V პრაღაში, 20 წლით, ითვალისწინებდა სოცინტერნის პრინციპებით ურთიერთობას ყველა სფეროში, საშინაო საქმეებში ჩაურევლობას, საზღვრების ხელშეუხებლობას ვარშავის ხელშეკრულების სულისკვეთებიდან გამომდინარე, აგრესიის შემთხვევაში დაუყოვნებლივ დახმარებას და კონსულტაციებს ყველა მნიშვნელოვან საკითხზე.