საყლაპავის ენდოსკოპია

საყლაპავის ენდოსკოპია — ეს არის ყველაზე ინფორმაციული და თანამედროვე კვლევა. ის ძალიან დიდ როლს თამაშობს საყლაპავის დიაგნოსტიკაში. ვარჩევთ რიგიდულ და ფიბროენდოსკოპებს.

ეზოფაგოსკოპები

რიგიდული ენდოსკოპი – ეზოფაგოსკოპი, საშუალებას იძლევა კარგად დავათვალიეროთ, ასევე ჩავატაროთ სხვადასხვა ქირურგიული მანიპულაცია საყლაპავზე. მას აქვს ერთი დიდი ნაკლი – ამ პროცედურის დროს, პაციენტი აუცილებლად უნდა იყოს ნარკოზის ქვეშ და ინტუბირებული. დანარჩენ ასპექტებს თუ გავითვალისწინებთ, ეს ხელსაწყო რჩება ყველაზე ადაპტირებულ ინსტრუმენტად საყლაპავის დიაგნოსტიკასა და მკურნალობაში.

ფიბროსკოპიული საყლაპავის გამოკვლევა შესაძლებელია ნარკოზის გარეშე და დიაგნოსტიკური თვალსაზრისით წინგადადგმული ნაბიჯი გახლავთ.

ორივე ტექნიკური მანიპულაცია ძალიან ფრთხილად და გარკვეული ტექნიკის დაცვით უნდა განხორციელდეს, რადგანაც საყლაპავის მილის კედელი ძალიან ნაზია და მისი დაზიანება, განსაკუთრებით როდესაც საქმე გვაქვს მის სიმსივნოვან დაავადებასთან, ადვილად შესაძლებელია. დაზიანება მოითხოვს სასწრაფო და კვალიფიციურ მკურნალობას რეანიმაციულ განყოფილებაში. მისი გართულებები შესაძლოა ლეტალურად დამთავრდეს მედიასტენიტის, პერიტონიტის განვითარების შემთხვევაში.

NOTA BENE პაციენტის ანამნეზის შეკრება ძალიან მნიშვნელოვანია მკურნალობის სწორი გზის ასარჩევად და სწორი დიაგნოზის დასასმელად; ეზოფაგოსკოპია გახლავთ ძალიან დელიკატური გამოკვლევა და უნდა გააკეთოს გამოცდილმა ქირურგმა; ეზოფაგოსკოპიის მეთოდის (რიგიდული თუ ფიბროსკოპიული) არჩევა ხდება არა სპეციალისტის გემოვნების, არამედ კონკრეტული პაციენტის კონკრეტული ჩვენებების მიხედვით. ეს ორივე მეთოდი ერთმანეთს ავსებს და არ არის ერთმანეთის კონკურენტი; საყლაპავის პირის– ფარინგეალური ნაწილის– დათვალიერება უმჯობესია რიგიდული ეზოფაგოსკოპით განხორციელდეს;

რეფლუქსის დიაგნოზის დასადგენად, ასევე, საჭირო ხდება საყლაპავის 24 საათიანი PH მეტრია – გამოკვლევა, განსაკუთრებით ბავშვებში.

წყარო

ოტო-რინო-ლარინგოლოგია და თავ-კისრის პათოლოგიები