სეროვი ალექსანდრე
NPLG Wiki Dictionaries გვერდიდან
ალექსანდრე სეროვი – (11. I. 1820, პეტერბურგი – 20. I. 1871, იქვე), რუსი კომპოზიტორი, მუსიკალური კრიტიკოსი. 1935-40 სწავლობდა სამართალმცოდნეობის სასწავლებელში, პირველი საკომპოზიციო ცდები 40-იან წლებს მიეკუთვნება. 1851-იდან სეროვი მოღვაწეობდა პრესაში როგორც მუსიკის კრიტიკოსი. სეროვს ეკუთვნის ოპერები: „ივდითი“ (1863), „როგნედა“ (1865), „მტრული ძალა“ (1871), სიმფონიური საგუნდო და სხვა ნაწარმოებები. სეროვი რუსული კლასიკური სამუსიკო კრიტიკის ერთ-ერთი ფუძემდებელია ვ. სტასოვთან ერთად. მის ნაშრომებში შერწყმულია პუბლიცისტური სიმახვილე და ესთეტიკური ანალიზის ოსტატობა, მსჯელობის მეცნიერული დასაბუთება. აღსანიშნავია სეროვის ნაშრომები გლინკაზე, დარგომიჟსკიზე, ბეთჰოვენზე, ვაგნერზე (მან პირველმა რუსეთში დააფასა ვაგნერის შემოქმედება) და სხვ.
