სექსუალური ლტოლვის დაქვეითება ან არარსებობა
სექსუალური ლტოლვის დაქვეითება ან არარსებობა - (F52.0), (sexual desire, lack or loss of) სექსუალური ლტოლვის შემცირებით ან არარსებობით განპირობებული აშლილობა, ქალებში – ფრიგიდულობა. (ჯმო-ს ფიქიატრიის ლექსიკონები)
სექსუალური ლტოლვა განსხვავებულია სხვადასხვა ადამიანში, მაგრამ ამის მიზეზი არ არის ცნობილი. მამაკაცებში, გაზრდილი სექსუალური მოთხოვნილება პუბერტატის პერიოდში დაკავშირებულია ანდროგენების გამოყოფის გაძლიერებასთან. ამის საპირისპიროდ, ანდროგენების შემცირება კასტრაციის, ესტროგენებით მკურნალობისა და ანტიანდროგენული წამლების მიღების დროს, ასუსტებს მამაკაცის სექსუალურ ლტოლვას. თუმცა, ანდროგენების დაბალ დონესა და სუსტ სექსუალურ ლტოლვას შორის მკაფიო კავშირი არ დადგინდა იმ მამაკაცებში, რომლებიც ამ პრობლემის გამო დახმარებას მიმართავდნენ. აგრეთვე, ანდროგენებით მკურნალობა, ჩვეულებრივ, არ აძლიერებს სექსუალურ ლტოლვას იმ მამაკაცებში, რომელთაც ნორმალური ენდოკრინული ფუნქციები აქვთ. თუმცა, ანდროგენების დაბალი დოზები გარკვეულად ზრდის სექსუალურ ლტოლვას ქალებში (Hawton, 1985). (ოქსფორდის მოკლე სახელმძღვანელო ფსიქიატრიაში)